كشف حقيقة فيديو لحظة اعتراف الراهب اشعياء المقاري بقتل الاسقف

خدوا بالكوا من اول الكلام
+ الفيديو واضح عدم وجود محام برفقة الراهب، وده يثير شكوك كتير لما تعرض له لكي يقوم بالاعتراف بهذا الشكل
+ انتهاك حرية وخصوصية شخص بالقيام بتسجيل فيديو بدون اذن صاحبه، لان قنوات التليفزيون لما تصور لقاء مع مجرم ارتكب جريمة بيكون بعد موافقته الصريحة، وهذا لم يحدث
+ الراهب اشعياء بيقول للي بيحقق معاه : اقفله خلاص يا باشا (يقصد تسجيل الفيديو)
_ خلاص اقفله هقول كل اللي انت عايزيني اقوله _ بمعنى ان تم تسجيل فيديوهات للراهب وهو بيتعذب بطريقة قذرة من الطرق بتاعت الامن المصري ، واحد هيقول ازاي دا مش باين عليه التعذيب، ياحبيبي الناس دي عندهم طرق في الضرب اللي يوجع ومايبانش، والكل عارف ايه اللي بيحصل عشان ياخدوا اعترافات !!
+ واضح من نبرة صوته الخوف والضغط حتى يعترف بجريمة لم يرتكبها
+ الراهب بيقوله : الموضوع انتهى يا باشا ، سيبني بقى
- غير طبيعي ان واحد بيعترف بجريمة يقول الكلام دا ، يعني سيبني زي ماوعدتني انك تسيبنى لما اقول اللي انت عايزيني اقوله
+ لاحظوا انه قال بعد (يوم الحد ، كل يوم حد) : ماكفاية كدا
_ يعني انا قلت اللي انت عايزيني اقوله ، كفاية كدا _
+ الراهب اشعياء عايز يضحي بنفسه في سبيل ان الراهب فلتاؤس مايتعذبش زيه فيقول: انا اللي ضربته ، ويكرر انا انا انا !!
واضح طبعا ان دي مش طريقة اعتراف ابدا ، دا واحد عايز ينتهي من التعذيب ويخلص الراهب فلتاؤس
+ ويقوله : الراهب فلتاؤس غلبان، وانا غلبان صدقني
+ يرد عليه : ماانا عارف ، انا عارف
+ يسأله المحقق: احكيلي اللي حصل ليلتها بالضبط (زي مافهمتك وزي ماانا كاتب في المحضر)
+++ هنا كارثة تانية تثبت براءة الراهب بشكل كامل +++
+ الراهب اشعياء بيقول في الاعتراف اللي فاهمين انه في صاحلهم: ((ان الحديدة في مكانها)) _المكان اللي حصلت فيه الجريمة _ وفي نفس الوقت نلاقي الموضوع مختلف خالص، ان الحديدة مش في مكانها (المكان اللي حصلت فيه الجريمة) بحسب التحقيقات !! نقرأ في التحقيقات : واعترف المتهم أمام فريق البحث الجنائى، برئاسة اللواء خالد عبدالحميد، وكيل مباحث الوزارة، بالواقعة، وأرشد عن أداة الجريمة، وهى قضيب حديدى تم العثور عليه فى مخزن للخردة بالدير
_ يعني جابوا الحديدة منين ؟ من مخزن للخردة بالدير !! يعني مش في نفس مكان وقوع الجريمة !!
+++ ودا كافي انه يثبتلنا ان الراهب اشعياء مضغوط عليه وتحت ارهاب الدولة والتعذيب عشان يعترف بجريمة ماارتكبهاش +++

قناة كلمة منفعة - صوت الحق الصارخ